PUPULAN CERPÉN AUD KÉLOR PAKARYAN DEWA AYU CARMA CITRAWATI ( Pamastika Struktur miwah Sosiologi Sastra )

ABSTRAK

Kasusastraan pinaka sinalih tunggil hasil budaya sané dahat mapikenoh ring sapamargin para jnanane punika kamanggehang ring sakancan basa-basa sawewengkon jagat Bali. Cerpén punika wantah sinalih tunggil karya sastra Bali anyar mawangun prosa sané ceritanyané cutet. Cerpén punika nyaritayang kahuripan tokohnyané wantah akidik, nénten jangkep kadi ring novel. Punika sane mawinan cerpén puniki sering kabaos satua bawak utawi cutet. Cerpén punika marupa cakepan sané madué nilai- nilai sané madaging indik unteng bebaosan sane akeh polih ring krama mangkin. Unteng wicara ring seseleh puniki wénten kakalih minakadi : (1) Sapunapi struktur sané wénten ring cerpén Maberuk Tanah, Pingit miwah Majalan Puyung ring pupulan cerpen Aud Kélor pakaryan Dewa Ayu Carma Citrawati, (2) Sapunapi aspek-aspek sosial sané wénten ring cerpén Maberuk Tanah, Pingit miwah Majalan Puyung ring pupulan cerpen Aud Kélor pakaryan Dewa Ayu Carma Citrawati. Tetujon ring seseleh puniki inggih punika nelatarang indik struktur naratif kasarengin aspek-aspek sosiologi sastra sané wénten ring pupulan cerpen pakaryan Dewa Ayu Carma Citrawati punika. Teori sané kaanggen ring seseleh puniki wénten kalih inggih punika teori Struktural taler teori tingkah laku. Metode sané kaanggen inggih punika metode mupul data, pabligbagan miwah metode kapustakaan. Pakebat data sané kalaksanayang inggih punika reduksi data, pangwedar data miwah pamicutet data. Pikolih ring seseleh puniki inggih punika : Indik unsur instrinsik miwah struktur naratif sané wénten ring cerpén Maberuk Tanah, Pingit miwah Majalan Puyung ring pupulan cerpen Aud Kélor pakaryan Dewa Ayu Carma Citrawati. Struktur ring cerpen puniki minakadi (sinopsis, insiden, alur, tokoh miwah penokohan, latar, taler amanat). Indik aspek-aspek sosial sané wénten ring cerpén Maberuk Tanah, Pingit miwah Majalan Puyung ring pupulan cerpen Aud Kélor pakaryan Dewa Ayu Carma Citrawati minakadi aspek sosial religious, aspek sosial ekonomi, miwah aspek sosial budaya. Manut ring unteng sané prasida kapolihang ring pupulan cerpen puniki inggih punika indik realitas sosial sané wénten ring masyarakat mangkin.
Unteng Kruna : Struktur, Pupulan cerpén, Aud Kélor, Sosiologi Sastra.